CN
Women in Finance Rwanda (WIFR) yinjiye mu bufatanye n’Ikigo cy’Igihugu gishinzwe guteza imbere Imiyoborere (RGB) n’Ikigo cy’Igihugu gishinzwe guteza imbere abikorera (RDB), hagamijwe kongera umubare w’abagore bafata ibyemezo mu nzego z’imari n’ubukungu mu Rwanda.
Ubu bufatanye bugamije guteza imbere ubushobozi bw’abagore mu bijyanye n’imari, binyuze mu mahugurwa, ubujyanama, no kubahuza n’amahirwe yo kwagura ibikorwa byabo. WIFR izibanda ku kongerera abagore ubumenyi n’ubushobozi bwo kugira uruhare rugaragara mu ifatwa ry’ibyemezo mu nzego z’imari, haba mu bigo by’imari, ubucuruzi ndetse no mu nzego z’ubuyobozi.
Beata Uwamaliza Habyarimana, Umuyobozi wa WIFR, yavuze ko intego ari uguhindura imyumvire no guteza imbere abagore kugira ngo bagire ijambo mu ifatwa ry’ibyemezo. Yagize ati: “Dufite intego yo kongera umubare w’abagore bari mu myanya y’ubuyobozi mu nzego z’imari, tukabaha amahirwe yo kwiga, guhugurwa no guhabwa ubujyanama kugira ngo bagere ku nzozi zabo.”
Ubu bufatanye buje mu gihe u Rwanda rukomeje gushyira imbaraga mu guteza imbere ihame ry’uburinganire n’ubwuzuzanye, by’umwihariko mu nzego z’ubukungu n’imari, hagamijwe iterambere rirambye ry’igihugu.
